قصه القصر الملعون

قبل ما أبدا القصة أحب اعرفكم بنفسي، أنا الظابط جمال الدين عباس محقق في مديرية الأمن،بدات القصة يوم ما جالي تلفون أول ما فتحت ملف الإنتحار المتكرر في مشفى الأمراض العقلية، الإتصال جالي على الجوال بتاعي من رقم خاص، ومن حد بيدعي إنه فاعل خير قال جملة واحدة وقفل الجملة هي أن في عملية إنتحار جديدة جوا المستشفى.

استغربت الإتصال لي جالي في الوقت لي بفتح فيه الملف، وقولت لنفسي لو في إنتحار حقيقي كان جانا خبر من المستشفى على طول، مهو مستحيل حد يموت من غير ما يبلغوا، وقررت أفتح الملف وأشوف محتواه و قبل ما أحاول افتحه للمرة الثانية، بيخبط باب المكتب وبيدخل المساعد بتاعي و يبلغني بعملية إنتحار جديدة في المستشفى، سيبت كل حاجة من أيدي روحت المستشفى.

أول ما دخلت أوضة المجني عليه أو المريض لفت نظري حاجة واحدة بعيد عن الجثة لي شرايين أيديها الاتنين متقطعة وغرقانة بالدم و بعيد عن الفوضى لي شوفتها والريحة الوحشة لي شميتها بعيد عن كل ده.

لفت نظري الورق المترتب جنب السرير واضح أن القتيل كان ليه إهتمام بالكتابة مسكت الورق و قلبت فيه بسرعة لاحظت أن في أحداث خيالية وكأن المجني عليه بيكتب قصة رعب

مهتمتش زيادة حطيت الورق في شنطتي وكملت تفتيش و بحث عن ملابسات الجريمة او الانتحار

كتبت تقرير مبدأي و خرجت من الأوضة

كنت بمشي ب ممرات المستشفى و بحاول أبص جوا الأوض وأنا خارج

وقفني مدير المستشفى قبل ما أخرج و سألني أن كنت وصلت لحاجة

قلتله لسا بدري على الكلام دا والمشوار طويل سيبته ومشيت بس مكنتش مستلطف سؤاله ولا مطمن ليه .

خرجت من المستشفى و زي أي يوم خلصت شغل في المديرية و روحت البيت آخر الليل كنت بتخيل المشهد لي شوفتوا جوا الأوضة و بحاول ألاقي تفسير منطقي للحاجات لي لقيتها و في وسط التفكير افتكرت الورق

جريت على شنطتي جبت الورق و قعدت على مكتبي و بدأت أقرأ المكتوب

كنا أربع شبان لما قررنا ندخل المدرسة و نركب كاميرات مراقبه في حمامات البنات

الفكرة كانت فكرة عادل الشاب الدلوع الغني لي كان عايز يوصل للبنات ويستغلهم بأي طريقة عامر اتشجع للفكرة عشان ينتقم من حبيبته لي سابته عشان واحد تاني و ايهم الضل بتاع عادل و مستعد يموت عشانه وأنا مالك الشاب الطموح الجبان أنا الوحيد لي رفضت الفكرة و مكنتش قابل ادخل معاهم بس قبلت عشان عادل وعدني يجبلي كتب و مراجع تفيدني بالدراسة لي بعملها عن علم ما وراء الطبيعة

أتفقنا نتقابل عند سور المدرسة الساعة وحدة بعد نص الليل و طبعاً في الوقت دا الحارس يكون نام ومفيش خطر منه

اتقابلنا في الموعد المحدد و بدأنا نطلع على السور واحد ورا التاني

كان عادل بيهزر معانا وكل شوية يعمل حركة ترعبنا

شوية يستخبى ورا شجرة وينطلنا فجأة و شوية يوجه نور الكشاف على حاجة معينة ويعمل مشهد مرعب

جو الضحك والهزار بينا كان جميل أوي لحد ما دخلنا جوا المدرسة و بدأنا نمشي في الممرات بتاعتها

عادل هي الحمامات مكنتش من هنا

أيهم هي كانت من هنا بس معرفش حاسس أن المكان غريب علينا شوية

عامر مالكم الطريق صح والحمامات هناك

أنا يااااعممم بلاش حركات الرعب دي الله يستركم

عادل ههههههههههه أنت جبان أوي و عمرك مهتكون راجل يلا بينا أجروا خلونا نشوف شغلنا قبل ما يطلع الصبح

دخلنا الحمامات و طبعاً عادل كان بيدي الأوامر وأيهم هو لي بيركب الكاميرات

مسك الكاميرا الأولى و حطها و عادل بدأ يوصلها بالفون بتاعه

انا وعامر كانت عينينا على شاشة الفون لي كانت بتوش بشكل كبير

وفجأة شوفت حاجة على الفون خلتني صرخت و رجعت لورا

عامر إيه مالك يا عم

أنا .. أنا شوفت راجل على شاشة الفون

عادل راجل مين يا عم أنت هتهبلها علينا

رديت عليه والله مش بستهبل أنا شوفت صورته في الفون

أيهم من فوق باب الحمام يا عم سيبكم منه و ركزوا معايا بقا

عادل طب يلا خلي الكاميرا ناحية اليمين شوية و عامر هيدخل يقف جوا عشان نشوف

عامر واشمعنا أنا لي هدخل ميدخلش مالك ليه

عادل هههه لا بلاش مالك مش شايفوا دا هيوقع من طوله

بيدخل عامر الحمام و الباب يتزرع وراه مرة وحدة

و يختفي صوته خالص

أيهم بص الإتجاه كدا كويس

عادل مش شايف حاجه خالص بينادي على عامر عشان يشغل الكشاف بس عامر مش بيرد

يديني الفون و يحاول يفتح الباب عليه بيخبط و ينادي بس عامر مش بيرد ولا حتى همسة بتخرج من جوا

رميت الفون فجأة وصرخت بأعلى صوتي

حاسب يا أيهم

أيهم يترعب و هو واقف في مكان يادوب متوازن فيه وفجأة يوقع على الأرض و رجله تتكسر ويبدأ يصرخ

عادل يسيب الباب ويجري على أيهم ويحاول يقومه

كنت ببص فوق باب الحمام و عينيا متعلقة و بقي مفتوح على آخره

يتفتح باب الحمام و عامر يخرج و يبدأ يصرخ علينا يا جزم بتحبسوني جوا أنا هوريكم

عادل نحبسك إيه دانت لي دخلت و رزعت الباب وراك ومكنتش راضي ترد علينا وادي نتيجة لي عملتوا أيهم وقع ورجله اتكسرت والجبان كسرلي الفون بتاعي

رديت عليه و الرعب مالي قلبي صدقوني في حاجة مش طبيعية وأحنا لازم نخرج من هنا بسرعة

عادل كفاية جبن بقا و تعالا ساعدني عشان نسند أيهم

عامر هس هس

أنا.. في إيه

عامر اسمعوا في صوت جاي من هناك

عادل هناك فين

أيهم اخ رجلي وجعاني اربطها يا عادل أرجوك و يلا بينا نخرج

عادل أسكت يا اخى بلاش شغل العيال دا

أيهم بس رجلي

عادل بيحط ايديوا على بق أيهم و يقوله

عارف رجلك وجعاك بس أسمع فعلاً في صوت جاي من برا

قولتلهم تعالوا نخرج من هنا ارجوكم

عامر اسكتوا وتعالوا نشوف إيه الصوت دا

سندت أيهم أنا وعادل و كان عامر بيمشي قدامنا بشويش خالص وعلى مهل

فتح باب الحمامات وخرجنا باتجاه الدور الاول من المدرسة

عادل دا مش ممر المدرسة إيه الشموع دي و الجدران بصوا دي مش جدران المدرسة

عامر حتى البلاط مش نفسه

أنا .. أنا قولتلكم في حاجة مش طبيعية

أيهم أنا مش حاسس بوجع برجلي و كأن في حاجة في المكان دا سحبت الوجع

عامر أنت بتقول إيه

أيهم والله بص أنا بمشي عليها عادي ولاكأنها اتكسرت

عادل لأ بقا الحكاية فيها إنا إحنا في مكان غريب دي مش المدرسة بتاعتنا

صوت هواء من بعيد محمل بهمس كلمات غير مفهومة

سمعت الكلام كويس وقولتلهم الكلام دا مش غريب عليا أنا سامعه أو قرأت عنه بس مش فاكر فين

يضحك الكل على كلامي ههههه هو أنت هتعمل الشويتين لي قرأتهم علينا

رديت لا والله دي زي حاجات موجودة في كتاب سحر قديم

أيهم يا جماعة أنا بدأت اخاف فعلاً

عامر وأنا كمان بس مش هخرج قبل ما أعرف إحنا فين و ايه لي حصل لمدرستنا

عادل وأنا كمان لازم أعرف

و أنا كمان عايز أعرف بس خايف اصل الطراز دا طراز قصر قديم أوي و الغريب أنا شوفت زيه في كتاب للسحرة

عادل طب قولنا قرأت عنه إيه يا ابو العريف